Friday, July 17, 2009

വിശപ്പു്‌ എപ്പോഴും ഒരു കോമ

ഒരു ചോദ്യചിഹ്നത്തിന്റെ
വിലാസം
ഒരരിവാളും ഒരരിമണിയും
മാത്രമാണു്‌

ആശ്ചര്യമെന്തെന്നാല്‍
വിളഞ്ഞുകിടക്കുന്ന
വയലെന്നോര്‍ക്കുമ്പോള്‍
കുത്തനെ നില്‌ക്കുന്ന
കിടക്കുന്ന
രണ്ടരിമണികള്‍

പൂര്‍ണവിരാമമിടാന്‍ നേരം
മരിച്ചുകിടക്കുന്ന
ഒരരിമണി ബാക്കി

വിശപ്പു്‌ എപ്പോഴും ഒരു കോമ

ഒട്ടിയ വയറുള്ള
ഉടല്‍ വളഞ്ഞുപോയ
ഒരു മനുഷ്യനുമേല്‍
ഒത്തൊരു തല
ഒരു വലിയ അര്‍ധവിരാമം

ചിഹ്നങ്ങളുടെ ശരീരഭാഷയെ അതിമനോഹരമായി അവതരിപ്പിച്ച ഈ ലാപുഡീയന്‍ കവിതയുടെ ഒരു പാരഡിയായി മാത്രം കണ്ടാല്‍ മതി. വിഷയദാരിദ്ര്യം കൊണ്ടാണ്‌. മാപ്പ്.



5 comments:

ramanika said...

വിശപ്പു്‌ എപ്പോഴും ഒരു കോമ!
etra kruthyamayi paranjirikkunnu!
post ishttapettu!

Rare Rose said...

രണ്ടും പോയി വായിച്ചു...രണ്ടും എനിക്കിഷ്ടായി..ഇനിയീ ചിഹ്നങ്ങളെ കാണുമ്പോള്‍ എനിക്കിനി വിശപ്പിന്റെ മുഖം ഓര്‍മ്മ വരും....

ജ്യോനവന്‍ said...

ramaniga
thanks

Rare rose
വളരെ സന്തോഷം

Deepa Bijo Alexander said...

"വിശപ്പു്‌ എപ്പോഴും ഒരു കോമ

ഒട്ടിയ വയറുള്ള
ഉടല്‍ വളഞ്ഞുപോയ
ഒരു മനുഷ്യനുമേല്‍
ഒത്തൊരു തല
ഒരു വലിയ അര്‍ധവിരാമം"
നല്ല വരികൾ....

രണ്ടു കവിതകളും ഇഷ്ടമായി....

വയനാടന്‍ said...

"ഒട്ടിയ വയറുള്ള
ഉടല്‍ വളഞ്ഞുപോയ
ഒരു മനുഷ്യനുമേല്‍
ഒത്തൊരു തല
ഒരു വലിയ അര്‍ധവിരാമം"

ആ തലയാണു ശരിയായ ചോദ്യചിഹ്നമെന്നു ഞാൻ പറയുന്നു ;ക്ഷമിക്കുക